சூப்பர்... நலமாக இருக்கிறேன்: ரசிகர்களுக்கு நன்றி தெரிவித்த ஹிருத்திக் .
மூளையில்
அறுவை சிகிச்சை செய்யப்பட்டு தற்போது மருத்துவமனையில் உள்ள இந்தி நடிகர்
ஹிருத்திக் ரோஷன், தான் நலமாக இருப்பதாக தனது ரசிகர்களுக்கும்,
நண்பர்களுக்கும் சமூக வலைத்தளம் மூலமாக நேற்று செய்தி அனுப்பியுள்ளார்.
மும்பையில் உள்ள மருத்துவமனையில் சில
நாட்களுக்கு முன்னதாக இந்தி நடிகர் ஹிருத்திக் ரோஷனுக்கு மூளையில்
செய்யப்பட்ட அறுவை சிகிச்சை வெற்றிகரமாகச் செய்யப் பட்டதைத் தொடர்ந்து,
அவர் மருத்துவக் கண்காணிப்பில் இருந்து வருகிறார்.
நட்சத்திரப் பட்டாளங்கள் அவரை நேரில் சென்று நலம் விசாரித்த வண்ணம் உள்ளன.
ஹிருத்திக்கின் அப்பாவான நடிகர் ராகேஷ் ரோசன் ‘அறுவை சிகிச்சை
வெற்றிகரமாக நடந்து முடிந்து விட்டது என்று ஊடகங்களுக்கு அதிகாரப்பூர்வமாக
தெரிவித்தார்.
அதனைத் தொடர்ந்து ஹிருத்திக்கின் திரையுலக நண்பர்கள் மற்றும் உறவினர்கள்
பலர் அவரை நேரில் சென்று மருத்துவமனையில் பார்த்த வண்ணம் உள்ளனர்.
ஆனால், சாதாரண எளிய ரசிகர்களுக்கு ஹிருத்திக்கின் தற்போதைய நிலைமையைப்
பற்றி நேரடியாக தெரிந்து கொள்ள முடியவில்லையே என்ற ஏக்கம் நிலவியது. இதனை
புரிந்து கொண்ட ஹிருத்திக் ரசிகர்களின் ஏக்கத்தை தீர்த்துள்ளார்.
சலைன் ஏற்றப்பட்ட கைகளோடு, ‘சூப்பர்' என்று விரல்களைக் காட்டிய தனது புகைப்படத்தை சமூக வலைத்தளத்தில் வெளியிட்டுள்ளார் ஹிருத்திக்.
கூடவே, ‘தான் நலமாக இருப்பதாகவும், தன் மீது அன்பு கொண்ட அனைவருக்கும் நன்றி' எனவும் கருத்து வெளியிட்டுள்ளார்.
மேலும், வெள்ளிக்கிழமை ரிலீசாகவுள்ள தனது நண்பரின் படத்திற்கும் தன் வாழ்த்துக்களைத் தெரிவித்துள்ளார் ஹிருத்திக் .
No comments:
Post a Comment